თავდაცვის სამინისტროს პირველი კომენტარი სამხედროების მასობრივი ინტოქსიკაციის ფაქტზე
საქართველოს თავდაცვის სამინისტრო შეიარაღებული ძალების IV მექანიზირებულ ბრიგადაში სამხედროების მასობრივი ინტოქსიკაციის ფაქტს კატეგორიულად უარყოფს. უწყება განცხადებას ავრცელებს, რომელშიც განმარტავს, რომ ლაზარეთს მხოლოდ სამმა სამხედრო მოსამსახურემ მიმართა, რომელთაც ქრონიკული გასტრიტისა და დიზბაქტერიოზის მცირე პრობლემა დაუდგინდათ.
"ინტერპრესნიუსი" თავდაცვის სამინისტროს განცხადებას უცვლელად გთავაზობთ: "2 აპრილს, საველე სწავლების შემდეგ, სამმა სამხედრო მოსამსახურემ, მიმართა ლაზარეთს, სადაც დადგინდა, რომ მათ მცირედი პრობლემა ქრონიკული დაავადებების (ქრონიკული გასტრიტი და დიზბაქტერიოზი) ფონზე შეექმნათ. სამხედრო მოსამსახურეებს აღმოუჩინეს ერთჯერადი სამედიცინო დახმარება. ისინი იმ საღამოსვე დაუბრუნდნენ ქვედანაყოფს და გააგრძელეს დაკისრებული მოვალეობის შესრულება.
თავდაცვის სამინისტრომ, სსიპ ლევან სამხარაულის სახელობის სასამართლო ექსპერტიზის ეროვნულ ბიუროს მიმართა წერილით, რათა ლაბორატორიულად შემოწმდეს საკვები და სასმელი წყალი. აღსანიშნავია, რომ თავდაცვის სამინისტრო მსგავს ლაბორატორიულ შემოწმებებს პერიოდულად ახორციელებს შერჩევითი მეთოდით", - ნათქვამია სამინისტროს განცხადებაში.
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
