მთავრობა სურამელაშვილის კონცერტს 4 მილიონით აფინანსებს? - უცენზურო შეფასებები და კრიტიკის ქარცეცხლი Facebook-ზე

17 აპრილს ბათუმში, ხელოვნების ცენტრში გია სურამელაშვილის სოლო კონცერტი იგეგმება. კონცერტი სახელმწიფო ბიუჯეტიდან 4 მილიონი ლარით ფინანსდება, - ამის შესახებ ადგილობრივი ტელეკომპანია tv25 იუწყება.

ტელევიზიის ცნობით, ქალაქური სიმღერების შემსრულებლის სოლო კონცერტის სახელმწიფოს სახსრებით გამართვას ბათუმელების ნაწილი ეწინააღმდეგება. თუმცა მათ რაოდენობას ღონისძიებაზე წასვლის მსურველთა რიცხვი გაცილებით აღემატება. სურამელაშვილის შემოქმედების თაყვანისმცემლებისთვის საღამოს დაფინანსების წყარო ამ შემთხვევაში, ნაკლებად მნიშვნელოვანია.

გავრცელებულ ინფორმაციას უკვე მოჰყვა მძაფრი შეფასებები სოციალურ ქსელებში.

• მამუკა გამყრელიძე, საზოგადოება "ივერიას" წევრი:

გია სურამელაშვილის კონცერტი 4 მილიონი ლარით (1.7 მლნ. აშშ დოლარი) უნდა დაფინანსდეს აჭარის ბიუჯეტიდან. მშვენიერი გადაწყვეტილებაა. საინტერესოა კომერციული პროექტი რატომ ფინანსდება აჭარის მთავრობის მიერ ? თუ კონცერტი კომერციული არაა და საგანმანათლებლო ან აჭარის მოსახლეობის მუსიკალური გემოვნების ამაღლების მიზანს ემსახურება, მაშინ სხვა საქმეა.

ისე რატომ უნდა ვუხადოთ ვიღაც გადამთიელებს მილიონები, თუ აგერ ჩვენს ახალგაზრდა (უფრო სწორედ მარად ახალგაზრდა) და ნიჭიერ მუსიკოსს შეიძლება შევაწიოთ ეს თანხა. მითუმეტეს თუ არც ისაა "ჟმოტი" და თავის მხრივ ისიც "გამოვა ფოსტას"

ატყობთ რომ "ჩაბრუნდით" სოვდეპიაში ? არ მოიკლოთ სურამელაშვილი და დაღუნული სკამები. სრული ანტურაჟისათვის შავ მაისურებში და ფლოსტებში გამოწყობილებს არ დაგავიწყდეთ მიფსმული ეზოს წინ ჩაცუცქულად ლუდის წრუპვა. ამენ...

• ირაკლი საღინაძე, პროდიუსერი:

აჭარის მთავრობას ვთავაზობ, *ლეობა და ძველმანი გია სურამელაშვილის კონცერტის მაგივრად, 100-ჯერ ნაკლებ ფასში, ხაზს ვუსვამ 100-ჯერ ნაკლებ ფასში, 1000-ჯერ ხარისხინი, პოპულარული და გემოვნებიანი, ჯგუფის "გამოუვალიმ დგომარეობა" კონცერტს. სრულიად სერიოზულად!

• ეკა ხერხეულიძე, "ენმ":

ხო გასაგებია სამთავრობო პრიორიტეტები,როდესაც გია სურამელაშვილის კონცერტის დასაფინანსებლად 4 მილიონს იხდის?!

ვიღაც შემედავება,გემოვნებაზე არ დაობენო,არადა,გემოვნება მგონია სწორედ სადაო.აღარაფერს ვამბობ გაჭირვებულ ხალხზე,რომელთა სოციალური ფონის გათვალისწინებით ,სურამელაშვილი და ბარი ვაითი თანაბრად არ ისმინება

p.s-ნამდვილად 90-ანებში ვბრუნდებით.მახსოვს ჩაბნელებული ქალაქი და განათებული ფილარმონია,სადაც გონდაკარგული თინეიჯერები კივილით ახევდნენ ტანზე სურამელაშვილს საწმერთულს და ნაფლეთებს რელიქვიად ინახავდნენ

რამდენად შეესაბამება გია სურამელაშვილის სოლო კონცერტის გამართვა სახელმწიფო მუსიკალური ცენტრის ფუნქციონირების იდეას - ამ თემაზე მუსიკალურ ცენტრში საუბარი არ სურთ. ცენტრის პრეს-სამსახურის ცნობით, კონცერტის გამართვასთან დაკავშირებით გადაწყვეტილება ჯერ მიღებული არ არის, თუმცა მუსიკოსთან მოლაპარაკებები უკვე დაწყებულია.

მომზადებულია tv25.ge-ს ინფორმაციისა და Fb.com-ზე გამოქვეყნებული საჯარო სტატუსების მიხედვით.

AMBEBI.GE