კოტე თოლორდავას საქართველოში ხვალ ჩამოასვენებენ

მსახიობ კოტე თოლორდავას მოსკოვიდან საქართველოში ხვალ ჩამოასვენებენ. როგორც "ინტერპრესნიუსს" კოტე თოლორდავას სიმამრმა, კახა მელითაურმა განუცხადა, თვითმფრინავი , რომლითაც გარდაცვლილი მსახიობი მოსკოვიდან თბილისში უნდა ჩამოასვენონ, თბილისის აეროპორტში ხვალ, 15:15 საათზე ჩამოფრინდება.

მისივე ინფორმაციით, კოტე თოლორდავას სავარაუდოდ კვირას, 19 აპრილს დაკრძალავენ.

მსახიობი კოტე თოლორდავა მოსკოვში 11 აპრილს გარდაიცვალა. რუსეთის დედაქალაქში იგი ფილმის გადაღებაზე იმყოფებოდა. მსახიობი გარდაცვლილი სასტუმროს ნომერში იპოვეს.

"ინტერპრესნიუსი"