"ქართული ოცნების" აქციის მონაწილეები აცხადებენ, რომ ინფორმაცია არ აქვთ, ვინ ისროლა წიწილებიანი კვერცხები

გურჯაანში გამგეობის შენობასთან შეკრებილი "ქართული ოცნების" აქციის მონაწილეები აცხადებენ, რომ ინფორმაცია არ აქვთ, ვინ ისროლა წიწილებიანი კვერცხები."ინტერპრესნიუსის" ადგილობრივ კორესპონდენტს აქტივისტების უმეტესობამ უთხრა, რომ კვერცხები, რომლებშიც წიწილები იყო, მათ არ უსვრიათ. "ქართული ოცნების" აქტივისტები ასევე არ აკონკრეტებენ თუ საიდან მოიტანეს კვერცხები.

გურჯაანის გამგეობასთან "ნაციონალური მოძრაობის" "ანტიკორუფციული კომისიისა" და "ქართული ოცნების" მხარდამჭერებს შორის ვითარება კვლავ დაიძაბა. როგორც "ინტერპრესნიუსის" კორესპონდენტი გურჯაანიდან იუწყება, დაპირისპირება გამგეობის შენობასთან "ნაციონალური მოძრაობის" წევრების გამოჩენამ გამოიწვია. დაპირისპირების დროს ნასროლ კვერცხებში წიწილები აღმოჩნდა.

"ინტერპრესნიუსი"