ბიძინა ივანიშვილი - შიდა დაპირისპირებაზე მე არაფერი გამიგია
ყოფილი პრემიერ-მინისტრი ბიძინა ივანიშვილი მიიჩნევს, რომ მთავრობის ახალი შემადგენლობა, პარლამენტისგან ნდობას მიიღებს, - ამის შესახებ სასტუმრო "თბილისი მარიოტში" მიმდინარე ეკონომიკურ კონფერენციაზე სიტყვით გამოსვლის შემდეგ ბიძინა ივანიშვილმა ჟურნალისტებთან საუბარში განაცხადა.
"მე ვფიქრობ, რომ კითხვაც არ ისმის, რომ ნდობას მიიღებს, რამეთუ გუნდს პარლამენტში ჰყავს უმრავლესობა. ხმების პრობლემა არ არსებობს. შიდა დაპირისპირებაზე მე არაფერი გამიგია. ვფიქრობ, რომ არავითარი პრობლემა არ იქნება ახალი მთავრობის დამტკიცების", - განაცხადა ივანიშვილმა.
კითხვაზე, აპირებს თუ არა იგი თავად ხელისუფლებაში დაბრუნებას, ივანიშვილმა განაცხადა, რომ ამის არავითარი მიზეზი არ არის.
"მე რატომ უნდა დავბრუნდე, არ ჩანს ამის არანაირი მიზეზი", - განაცხადა ივანიშვილმა.
სიახლე!თუ დაინტერესებული ხართ მხოლოდ პოლიტიკური თემებით და არ გსურთ, მიიღოთ სხვა, თქვენთვის უინტერესო ინფორმაცია, მოიწონეთ გვერდი, რომელზეც მხოლოდ უმნიშვნელოვანესი პოლიტიკური სიახლეები თავსდება.
"ანტიგმირი უნდა დამალო" - გია ხუხაშვილი პარლამენტიდან ვანო ზარდიაშვილის წასვლაზე
უკრაინის პროკურატურამ მიხეილ სააკაშვილის მიმართვაზე საქმე აღძრა
