თინა ხიდაშელის პირველი კომენტარი პრეზიდენტის გადაწყვეტილებაზე, მთავრობის წარდგენის გადადებასთან დაკავშირებით

საქართველოს თავდაცვის მინისტრობის კანდიდატი თინა ხიდაშელი პრეზიდენტის გადაწყვეტიელბაში პრობლემას ვერ ხედავს. როგორც ხიდაშელმა ჟურნალისტებთან საუბრისას განაცხადა, მარგველაშვილმა კონსტიტუციით მინიჭებული უფლება გამოიყენა.

"პრეზიდენტს აქვს უფლებამოსილება, კონსტიტუციით მინიჭებული 7 დღაინი ვადა გამოიყენოს. ის იყენებს ამ ვადას. შესაბამიასად, რამე პრობლემას ვერ ვხედავ. აქამდე მესმოდა ჭორაობა, რომ ჩვენ პრეზიდენტთან ერთად რაღაც კონსპირაციულ კოალიციაში ვართ. ამიტომ იქნებ სხვადასხვა ჭორის ავტორები ჩამოყალიბდნენ, რა არის სინამდვილეში ეს კოსნპირაცია და მერე დავსვათ კითხვები. შესაძლებელია პრეზიდენტმა ჩათვალა, რომ ამ ფორსირებულ რეჟიმში მთავრობის დამტკიცების პირობებში, პირადად სჭირდება დრო, ცოტა უკეთ გაერკვეს, თუ რა ხდება.

გიორგი მარგველაშვილი არის საქართველოს პრეზიდენტი, არ არის პარტიული პრეზიდენტი, შესაბამისად ვერავისთან ოპოზიციაში ან პოზიციაში ვერ იქნება. ის არის ქვეყნის მეთაური, რომელიც არაპოლიტიკური პირია, შესაბამისად საკუთარი შეხედულებისამებრ იღებს გადაწყვეტილებას",- განაცხადა თინა ხიდაშელმა.

"ინტერპრესნიუსი"

სიახლე!

თუ დაინტერესებული ხართ მხოლოდ პოლიტიკური თემებით და არ გსურთ, მიიღოთ სხვა, თქვენთვის უინტერესო ინფორმაცია, მოიწონეთ გვერდი, რომელზეც მხოლოდ უმნიშვნელოვანესი პოლიტიკური სიახლეები თავსდება.