კახა კუკავა, ბეჟან გუნავა და ირაკლი თოდრია დააკავეს
თბილისში, წერეთლის გამზირზე, პარტია "თავისუფალი საქართველოს" ლიდერი კახა კუკავა, ბეჟან გუნავა და აქციის მონაწილე ირაკლი თოდრია დააკავეს.
როგორც "ინტერპრესნიუსს" პარტია "თავისუფალი საქართველოს" ერთ-ერთმა ლიდერმა ალექსანდრე შალამბერიძემ განუცხადა, პარტიის წევრები თბილისში, აკაკი წერეთლის ძეგლთან იმყოფებოდნენ, როდესაც დაინახეს, რომ "სითი პარკის" თანამშრომლებს მანქანა მიჰყავდათ.
"წერეთლის ძეგლის მიმდებარე ტერიტორიიდან მანქანა მოიპარეს. ჩვენ ვიცით, რომ არსებობს მერიის დადგენილება, თუ მანქანა ხელს არ უშლის არავის მისი წაყვანის უფლება არ აქვთ. ჩვენ ადგილზე გავმართეთ აქცია, რის შემდეგაც მოვიდა პოლიცია და დაიცვა ქურდები. პოლიცია ფაქტობრივად აღმოჩნდა ქურდების მხარდამჭერი. დააკავეს ჩვენი პარტიის წევრები კახა კუკავა, ბეჟან გუნავა და აქციის მონაწილე ირაკლი თოდრია", - განაცხადა შალამბერიძემ. მისივე თქმით, პარტიის წევრებისთვის ჯერჯერობით უცნობია სად არიან დაკავებულები გადაყვანილები.
"ჩვენი ადვოკატი ცდილობს გაარკვიოს მათი ადგილსამყოფელი და შეკრებილები ვართ შსს-სთან, რათა მოვითხოვოთ ოფიციალური პასუხი", - განაცხადა შალამბერიძემ.
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
