ცაგერში, მდინარეში ჩავარდნილი რუსი ტურისტის გადარჩენას ცდილობენ

ცაგერში, სოფელ ოყურეშში ამ დროისათვის მაშველები მუშაობენ. როგორც "ინტერპრესნიუსს" შსს-ს საგანგებო სიტუაციების მართვის სააგენტოში განუცხადეს, მდინარე რაჩხაში ჯომარდობისთვის შესული რუსი ტურისტების ჯგუფიდან ერთ-ერთი ნავიდან გადავარდა და მდინარის მეორე ნაპირზე მოექცა.

"მეორე ნაპირი მიუდგომელია და გადმოღწევა შეუძლებელია, რის გამოც ქალბატონს მაშველები გადმოიყვანენ. მომხდარის შედეგად არავინ დაშავებულა", - აცხადებენ საგანგებო სიტუაციების მართვის სააგენტოში.

"ინტერპრესნიუსი"