ნეპალში მოსახლეობა სხვადასხვა დაავადების გავრცელების საფრთხის წინაშე დგას
ნეპალში 25 აპრილს მომხდარი ძლიერი მიწისძვრის გამო, მოსახლეობა სხვადასხვა დაავადების გავრცელების საფრთხის წინაშე დგას. ამის შესახებ "ბიბისის" ცნობით, ჰუმანიტარული ორგანიზაციები აცხადებენ. თავშესაფრის ნაკლებობის, დაბინძურებული წყლისა და მძიმე სანიტარული პირობების გამო შესაძლოა, ქვეყანაში ქოლერა, დიზენტერია და სხვა მსგავსი დაავადებები გავრცელდეს.
როგორც ბრიტანეთის კატასტროფებისა და საგანგებო სიტუაციათა კომიტეტის წარმომადგენლები აცხადებენ, აღნიშნული საფრთხის აღმოსაფხვრელად საჭიროა დაბინძურებული ტერიტორიების დასუფთავება და სასწრაფო პრევენციული ზომების მიღება. ბრიტანეთის კატასტროფებისა და საგანგებო სიტუაციათა კომიტეტის პრესსპიკერის თქმით, ქოლერა ნეპალში ენდემურია, გასულ წელს ამ დაავადებით 600 ადამიანი დაავადდა, 2009 წელს კი ეპიდემიის შედეგად 300 000-ზე მეტი ადამიანი დაინფიცირდა. ამიტომაც შექმნილი ვითარების გამო, ქოლერას გავრცელების საშიშროება დიდია.
დაახლოებით ათი დღის წინ მომხდარი 7,9 მაგნიტუდის სიმძლავრის მიწისძვრის შედეგად, 8 000-მდე ადამიანი დაიღუპა, 14 000-ზე მეტი კი დაშავდა. დაზარალებული მოსახლეობის დახმარებას 4 000-ზე მეტი ადგილობრივი და საერთაშორისო მაშველი ცდილობს.
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
