"პატარა შოკუნია ხომ არ მიიღეთ, რომ დაგტოვეს თანამდებობაზე?" - ნოდარ ხადური განმარტება სკანდალურ ტერმინზე
"რამდენად მოულოდნელი იყო თქვენთვის რომ დაგტოვეს თანამდებობაზე, პატარა შოკუნია ხომ არ მიიღეთ?", - ამ შეკითხვით მიმართა გადაცემა "რეაქციის" წამყვანმა ინგა გრიგოლიამ პირდაპირი ჩართვისას ფინანსთა მინისტრ ნოდარ ხადურს.
"რაც შეეხება ტერმინს - შოკის კნინობით ფორმას, რაზეც ამდენი ხანი ვსაუბრობთ, მე მინდა მაინც დავაზუსტო. ჩემი ოპონენტები საუბრობენ, რომ მე თითქოს ეს ტერმინი გამოვიყენე ლარის გაუფასურებასთან მიმართებაში, რაც არ არის სწორი. შეგიძლიათ ამოიღოთ ის ინტერვიუ, ის არის როგორც სატელევიზო, ასევე საგაზეთო, სადაც წერია, რომ ლარის გაუფასურებაზე ზემოქმედება მოახდინა საგარეო შოკებმა და როდესაც ჟურნალისტი ჩამეკითხა - ქვეყანაში არის თუ არა შიდა შოიკები, რომელიც ამას უწყობს ხელს, მე ვუპაუხე, რომ შიდა შოკები არ არის, მაგრამ არის მცდელობა, რომ ვიღაცა იყოს შოკი, მაგრამ არ გამოსდის, იმდენად სუსტია და არის არა შოკი, არამედ შოკუნია, ეს არის ყოფილი ხელისუფლება, რომელიც შანსს არ უშვებს ხელიდან გააფუჭოს ქვეყანაში სიტუაცია, ხელი შეუშალოს ეკონომიკურ აღმავლობას და მოსახლეობაში დანერგოს ნიჰილიზმი", - განაცხადა ნოდარ ხადურმა.
მისი თქმით, მისთვის არ იყო მოულოდნელი თანამდებობაზე დარჩანა და ეს არა პირადად მისი, არამედ პრემიერ-მინისტრისა და პარლამენტის გადასაწყვეტია.
"ანტიგმირი უნდა დამალო" - გია ხუხაშვილი პარლამენტიდან ვანო ზარდიაშვილის წასვლაზე
უკრაინის პროკურატურამ მიხეილ სააკაშვილის მიმართვაზე საქმე აღძრა
