თბილისის ზღვასთან მდებარე სასაფლაოზე ახალგაზრდა მამაკაცი გარდაცვლილი იპოვეს

თბილისის ზღვასთან მდებარე სასაფლაოზე ახალგაზრდა მამაკაცი გარდაცვლილი იპოვეს. როგორც "ინტერპრესნიუსს" შინაგან საქმეთა სამინისტროში განუცხადეს, გარდაცვლილი 1988 წელს არის დაბადებული. გამოძიების ინფორმაციით, სავარაუდოდ, გარდაცვლილმა ნასვამ მდგომარეობაში ერთ-ერთი საფლავის საძირკველს დაარტყა თავი და ამის შედეგად გარდაიცვალა.

საქმეზე გამოძიება 108-ე მუხლით მიმდინარეობს, რაც განზრახ მკვლელობის მცდელობას გულისხმობს, თუმცა როგორც შსს-ში აცხადებენ, მუხლი აუცილებლად გადაკვალიფიცირდება.

"ინტერპრესნიუსი"