ტრაგედია ქუთაისში: ხანძრისას ბაბუა გადარჩა, შვილიშვილი კი გარდაიცვალა

ქუთაისში, საცხოვრებელ კურპუსში გაჩენილი ხანძრის შედეგად ერთი ადამიანი დაიღუპა. როგორც "ინტერპრესნიუსის" კორესპონდენტი იუწყება, შემთხვევა წუხელ, გვიან ღამით მოხდა.

გარდაცვლილის მეზობლების თქმით, ბუხაიძის ქუჩაზე ელექტროენერგია რამდენიმე საათის განმავლობაში იყო გათიშული და კორპუსში ცეცხლი სავარაუდოდ ანთებული სანთლიდან გაჩნდა. ბინაში ამ დროს ბაბუა და შვილიშვილი - 20 წლის ახალგაზრდა მამაკაცი იმყოფებოდნენ.

ცეცხლის შედეგად ახალგაზრდა მამაკაცი საავადმყოფოში მიყვანამდე გარდაიცვალა. როგორც ექიმებმა ჟურნალისტებთან საუბრისას განაცხადეს, ხანშიშესული მამაკაცის სიცოცხლეს საფრთხე არ ემუქრება. ადგილზე მთელი ღამის განმავლობაში იმყოფებოდნენ სახანძრო და საგანგებო სიტუაციების მართვის სამსახურის წარმომადგენლები.

საჭირო ინფორმაცია| როგორ მოვიქცეთ ხანძრის დროს: ის, რაც ყველა ჩვენგანმა უნდა იცოდეს საგანგებო სიტუაციების დროს