ჩემთვის უმჯობესია, არ ვიყო "ქართული ოცნების" წევრი - თამარ კორძაიას პირველი კომენტარი ფრაქციის დატოვების შემდეგ

ჩემთვის უმჯობესია, არ ვიყო "ქართული ოცნების" წევრი - თამარ კორძაიას პირველი კომენტარი ფრაქციის დატოვების შემდეგ

ამ ეტაპზე ჩემთვის უმჯობესია, არ ვიყო ფრაქცია "ქართული ოცნების" წევრი, - ასე ხსნის დეპუტატი თამარ კორძაია ფრაქციიდან გასვლის თაობაზე მიღებულ გადაწყვეტილებას. როგორც კორძაიამ "ინტერპრესნიუსს" განუცხადა, საპარლამენტო საქმიანობის გაგრძელებას უმრავლესობის ფარგლებში აპირებს, იქნება უმრავლესობის დამოუკიდებელი წევრი.

ამასთან, კითხვაზე, რამდენად მოსალოდნელია, უმრავლესობის რომელიმე სხვა ფრაქციაში გაწევრიანდეს, კორძაიამ განაცხადა, რომ მომავალში ვერავერს ვერ გამორიცხავს.

"ვფიქრობ, კარგი იყო, როცა ფრაქცია "ქართულ ოცნებაში" ვიყავი, მაგრამ ამ ეტაპზე ჩემთვის უმჯობესია, არ ვიყო ფრაქციის წევრი. ჩემი ამ გადაწყვეტილების უკან არავითარი პოლიტიკური დაპირისპირება ან რაიმე მსგავსი არ დგას. მე ჩავთვალე, რომ ჩემი მომავლისათვის... ეს ჩემი პირადი გადაწყვეტილებაა, რომ არ ვიყო ფრაქცია "ქართულ ოცნებაში". ამასთან, ვთვლი, რომ რაც იყო წარსულში, რაც ვითანამშრომლეთ, რაც მივიღეთ შედეგად, ასე თუ ისე, კარგია", - განუცხადა "ინტერპრესნიუსს" თამარ კორძაიამ. თამარ კორძაიას განაცხადი ფრაქციის დატოვების შესახებ პარლამენტის შესახებ, პარლამენტის ბიუროს დღეს წარედგინა.

"ინტერპრესნიუსი"

სიახლე!

თუ დაინტერესებული ხართ მხოლოდ პოლიტიკური თემებით და არ გსურთ, მიიღოთ სხვა, თქვენთვის უინტერესო ინფორმაცია, მოიწონეთ გვერდი, რომელზეც მხოლოდ უმნიშვნელოვანესი პოლიტიკური სიახლეები თავსდება.

მამუკა მდინარაძე - გახარია იბრძვის იმისთვის, რომ "ნაციონალური მოძრაობის“ თამაში ითამაშოს

“მოქალაქეებმა“ რეგლამენტში ცვლილებები მოამზადეს, რომლის მიხედვით, საპარლამენტო პოლიტიკური ჯგუფის შექმნას ორ დეპუტატი შეძლებს

"დადგინდეს, თუკი ვინმეს გადატრიალება ჰქონდა მომზადებული, სხვაგვარად ეს იქნება მხოლოდ ჭორაობა" - მიხეილ დაუშვილი მმართველი პარტიის ბრალდებებზე