ავტორი:

"დადგინდეს, თუკი ვინმეს გადატრიალება ჰქონდა მომზადებული, სხვაგვარად ეს იქნება მხოლოდ ჭორაობა" - მიხეილ დაუშვილი მმართველი პარტიის ბრალდებებზე

"დადგინდეს, თუკი ვინმეს გადატრიალება ჰქონდა მომზადებული, სხვაგვარად ეს იქნება მხოლოდ ჭორაობა" - მიხეილ დაუშვილი მმართველი პარტიის ბრალდებებზე

"ბრალდებები ჩვენი გუნდის პოლიტიკურ მომავალზე, დარწმუნებული ვარ, ვერ აისახება, რადგან ტყუილია - თუ ტყუილი და ჭორაობა არ არის, მაშინ დაიწყონ გამოძიება",- ამის შესახებ უმრავლესობიდან გასულმა დეპუტატმა, გახარიას პარტია "საქართველოსთვის წევრმა, მიხეილ დაუშვილმა ჟურნალისტებთან პარტია "ქართული ოცნების“ თავმჯდომარისა და დანარჩენი წევრების ბრალდებებთან დაკავშირებით განაცხადა.

დაუშვილი აცხადებს, რომ გიორგი გახარიას მიმართ გაჟღერებულ ბრალდებებს საფუძველი არ გააჩნია და ის უბრალოდ ჭორაობაა.

"რამდენიმე დღის წინ მოვისმინეთ მმართველი პარტიის ამჟამინდელი ხელმძღვანელის ცრუ ბრალდებები, რომელიც არაფერს ეფუძნება, არც არგუმენტს და არც მტკიცებულებას და ამას მოჰყვა კიდევ მმართველი პარტიის სხვა პირების განცხადებები. ცალსახად უნდა ითქვას, რომ ასეთი ტიპის ცრუ ბრალდებები, რომელსაც არავითარი არგუმენტი და მტკიცებულება არ გააჩნია, საბოლოო ჯამში, ხდება ჭორაობა.

შესაბამისად, ჩვენი პოზიციაა ისევ, რომ ამასთან დაკავშირებით დაუყონებლივ უნდა დაიწყოს გამოძიება და დადგინდეს, თუკი ვინმეს რაიმე გადატრიალება ჰქონდა მომზადებული, რადგან სხვაგვარად ეს იქნება მხოლოდ ჭორაობა, ჩვენი ამომრჩევლის, "ქართული ოცნების“ ამომრჩევლის შეურაცხყოფა და ასეთი უარგუმენტო, ცრუ ბრალდებები, უბრალოდ, აზიანებს სახელმწიფო ინსტიტუტებს, შესაბამისად, მნიშვნელოვანია, დაუყონებლივ დაიწყოს გამოძიება. ველოდებით რეაგირებას სახელმწიფო უწყებების მხრიდან“, - განაცხადა დაუშვილმა.

მან ასევე აღნიშნა, რომ კანონმდებლობის დაცვით მოხდება პარტიის ფინანსების გასაჯაროება და ამ მიმართულებით არსებულ კითხვებსაც პასუხი გაეცემა.

სახალხო დამცველის ოფისთან მეუფე სპირიდონის მხარდამჭერთა აქციაზე ლევან ვასაძე მივიდა - ის სახალხო დამცველის გადადგომას ითხოვს

"ივანიშვილმა იმიტომაც გამოაქვეყნა ეს წერილი ალბათ, შიგნით შეაწუხეს ძალიან" - რას აჩვენებს ივანიშვილის მიერ გახარიას კრიტიკა?

"რა სამშობლოს უღალატა? ეს პარანოიაა..." - გია ხუხაშვილი ივანიშვილის განცხადების შესახებ