"მათ შეუძლიათ ივაჭრონ..." - ვანო მაჭავარიანი "უხილავი ხელის" შესახებ საუბრობს

"ეს არის შიდა ამბიციები", - ასე აფასებს ანალიტიკოსი ვანო მაჭავარიანი "ნაციონალური მოძრაობიდან" პარტიის წევრების წასვლას. ამის შესახებ პრეზიდენტის ყოფილმა მრჩეველმა ტელეკომპანია "რუსთავი-2"-ის  გადაცემა "არჩევანში" ისაუბრა.

მისი თქმით, "ჭორები "ნაციონალური მოძრაობის" გარდაცვალების შესახებ გაზვიადებულია". მაჭავარიანის ვარაუდით, "ნაციონალური მოძრაობიდან" გასული დეპუტატები პარლამენტში ფრაქციას ყოფილ კოლეგებთან, მარიკა ვერულაშვილთან, ოქრიაშვილთან და დავით ბეჟუაშვილთან, ერთად შექმნიან. მისი თქმით, პარტიისთვის საჭიროა თანხებს ისინი "უხილავი ხელისგან" მიიღებენ. თუმცა, არ აკონკრეტებს, ვის გულისხმობს ის "უხილავ" დამფინანსებელში.