"პრეზიდენტმა ხურდა დამიბრუნა" - დეპუტატ ქუცნაშვილის რეაქცია მარგველაშვილის საჩუქარზე

"პრეზიდენტმა ხურდა დამიბრუნა" - დეპუტატ ქუცნაშვილის რეაქცია მარგველაშვილის საჩუქარზე

პრეზიდენტმა ხურდა დამიბრუნა, - ასე ეხმაურება საპარლამენტო უმრავლესობის წარმომადგენელი ზაქარია ქუცნაშვილი დამოუკიდებლობის დღესთან დაკავშირებით საქართველოს პრეზიდენტის მიერ დეპუტატებისათვის კონსტიტუციის გაგზავნას.

როგორც ქუცნაშვილმა "ინტერპრესნიუსს" განუცხადა, პრეზიდენტის ჟესტში "ცუდს ვერაფერს ხედავს".

"პრეზიდენტმა დამიბრუნა ხურდა და თან ლამაზ ყდაში ჩასმული. გახსოვთ, მეც მივედი მასთან კონსტიტუციით. ეს, რა თქმა უნდა, ხუმრობით. ხუმრობის გარეშე ვიტყვი, რომ ჩვეულებრივი ჟესტია. ამას პოლიტიკურ მნიშვნელობას თუ ვინმე ანიჭებს, მაშინ თქვას, რატომ ანიჭებს", - განაცხადა ქუცნაშვილმა.

შეკითხვაზე, ფიქრობს თუ არა რომ პრეზიდენტის საჩუქარს პოლიტიკური დატვირთვა აქვს, დეპუტატის თქმით, ეს არ იცის და გიორგი მარგველაშვილისთვის საჩუქრისთვის მადლობის მეტი არ ეთქმის.

"არ ვიცი, პოლიტიკური დატვირთვა აქვს თუ არა. ეს კარგი ჟესტია, ამაში ცუდს ვერაფერს ვხედავ და მადლობის მეტი არ მეთქმის. ქვეყნის ძირითადი კანონი ყველა ოჯახში უნდა იყოს, როგორც - "ვეფხისტყაოსანი", თუ გვინდა, რომ გავზარდოთ თავისუფალი, კანონმორჩილი და პასუხისმგებლობით განმსჭვალული მოქალაქეები", - აღნიშნა საპარლამენტო უმრავლესობის წარმომადგენელმა.

საქართველოს პრეზიდენტმა, გიორგი მარგველაშვილმა დამოუკიდებლობის დღესთან დაკავშირებით დეპუტატებს, მთავრობის წევრებსა და სასამართლოს წარმომადგენლებს კონსტიტუცია უსახსოვრა.

"ინტერპრესნიუსი"

"ანტიგმირი უნდა დამალო" -  გია ხუხაშვილი  პარლამენტიდან ვანო ზარდიაშვილის წასვლაზე

უკრაინის პროკურატურამ მიხეილ სააკაშვილის მიმართვაზე საქმე აღძრა

ვანო ზარდიაშვილი პარლამენტს ტოვებს - "ჩემ უკან დგას ჩემი ოჯახი და მცირეწლოვანი შვილები..."