ძებნილი ზურაბ ადეიშვილი ოდესის ოლქის პროკურორი ხდება

ოდესის ოლქის ახალი პროკურორი ზურაბ ადეიშვილი ხდება - ამ ინფორმაციას სარწმუნო წყაროებზე დაყრდნობით, სააგენტო www.news-front.info ავრცელებს.

სააგენტოს თქმით, ინფორმაცია უკვე დაადასტურეს ოდესის საოლქო და უკრაინის პრეზიდენტის ადმინისტრაციაში.

შეგახსენებთ, რომ ზურაბ ადეიშვილმა საქართველო ხელისუფლების შეცვლის შემდეგ დატოვა და ამჟამად, ინტერპოლის მიერ ძებნილად არის გამოცხადებული. 2013 წელს თბილისის საქალაქო სასამართლომ ადეიშვილის მიმართ განაჩენი დაუსწრებლად გამოიტანა.