როგორი ამინდი იქნება დღეს და მომდევნო დღეებში თბილისსა და მთელ საქართველოში

მომდევნო დღეების განმავლობაში საქართველოს მასშტაბით წვიმიანი ამინდი შენარჩუნდება.

როგორც გარემოს ეროვნული სააგენტოს მონიტორინგისა და პროგნოზირების ცენტრში აცხადებენ, მომდევნო დღეებში ქვეყნის მასშტაბით დროგამოშვებით იწვიმებს, პერიოდულად გამოიდარებს.

დღეს დასავლეთ და აღმოსავლეთ საქართველოს ზოგიერთ რაიონში მოსალოდნელია ხანმოკლე წვიმა ელჭექით, ტემპერატურა დასავლეთში +26 +31 გრადუსი, აღმოსავლეთში +28 +33, დედაქალაქში კი +31 გრადუსი იქნება.

სინოპტიკოსები 6 ივნისს, დღის ბოლოს კიდევ უფრო ამინდის გაუარესებას ვარაუდობენ. მათი ინფორმაციით, 6 ივნისს, საღამოს დასავლეთში მოსალოდნელია წვიმა, აღმოსავლეთ საქართველოს ზოგიერთ რაიონში კი ძლიერი წვიმა და ქარი.

იხილეთ ამინდის ვრცელი პროგნოზი Dari.ge-ზე