არყის გამო დაწყებული ხელჩართული ჩხუბი მარჯანიშვილის მეტროსთან - დაკავებულია ხუთი ადამიანი
თბილისში, მარჯანიშვილის მეტროს მახლობლად წუხელ ხუთი პირი დააკავეს. როგორც "ინტერპრესნიუსს" შინაგან საქმეთა სამინისტროში განუცხადეს, დაკავება ადმინისტრაციულ სამართალდარღვევათა კოდექსის 166-ე და 173-ე მუხლებით განხორციელდა, რაც წვრილმან ხულიგნობას და პოლიციისთვის წინააღმდეგობის გაწევას გულისხმობს. მათივე განმარტებით, დაკავება მას შემდეგ განხორციელდა, რაც ხმაურის გამო პოლიციას მოქალაქემ მიმართა. სხვა დეტალებს შსს-ში არ აკონკრეტებენ.
ვიდეო, რომელზეც ღამით მომხდარი ხმაურიანი დაპირისპირებაა ასახული, ფეისბუქზე ფოტოგრაფმა ნოდარ ცხვირაშვილმა ატვირთა. როგორც გამვლელების კომენტარებიდან ირკვევა, სავარაუდოდ დაპირისპირება ნასვამ მამაკაცსა და მაღაზიის თანამშრომელს შორის დაიწყო, არყის ვალის გამო. შემდეგ კი ხმაურს საპატრულო ეკიპაჟების გამოძახება და დაკავება მოჰყვა.
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
