რამ გამოიწვია სალიბაურში ბავშვების მოწამვლა - სურსათის ეროვნული სააგენტოს განცხადება
სურსათის ეროვნულმა სააგენტომ სალიბაურის სკოლა-პანსიონიდან ვადაგასული სურსათი ამოიღო
სოფლის მეურნეობის სამინისტროს სსიპ სურსათის ეროვნულმა სააგენტომ ხელვაჩაურის მუნიციპალიტეტის სოფელ სალიბაურის N2 საჯარო სკოლა-პანსიონში ვადაგასული სურსათი გამოავლინა.
აღნიშნულ სკოლა-პანსიონში მოსწავლეებმა, სავარაუდოდ, საკვებისმიერი ინტოქსიკაცია მიიღეს, რის შესახებაც სააგენტოს საზოგადოებრივი ჯანდაცვის ცენტრიდან აცნობეს.
"სურსათის ეროვნული სააგენტოს აჭარის რეგიონული სამმართველოს წარმომადგენლებმა ვითარება ადგილზე შეისწავლეს. მონიტორინგის შედეგად სკოლა-პანსიონში გამოვლინდა ვადაგასული სურსათი - 165 ცალი კვერცხი და 5 კილოგრამი სპრედი, რომლებიც კანონმდებლობის შესაბამისად განადგურდება; ასევე აიღეს არაჟნის ნიმუშები, რომლებიც კვლევისთვის აკრედიტებულ ლაბორატორიაში გადაიგზავნა", - აცხადებენ სააგენტოში.
მათივე განმარტებით, დოკუმენტური შემოწმების შედეგად დადგინდა, რომ სოფელ სალიბაურის N2 საჯარო სკოლა-პანსიონს სურსათით ამარაგებს ფონდი "ვიქტორია", რომელიც ბიზნესოპერატორად არ არის დარეგისტრირებული, რის გამოც იგი 500 ლარით დაჯარიმდა.
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
