რა ხდებოდა წუხელ წყნეთის ქუჩაზე: მოსახლეობის პროტესტი და ევაკუაციის დეტალები
წუხელ, დაახლოებით 00:15-ზე თბილისში, ვაკის რაიონში, წყნეთის ქუჩის #13-ში მოსახლეობის ევაკუაცია განხორციელდა. შინაგან საქმეთა სამინისტროს ინფორმაციით, წყნეთის ქუჩის N13-ე კორპუსიდან მოსახლეობის გაყვანა იქამდე მოხდება, ვიდრე შენობის მდგრადობის შესახებ ექსპერტების დასკვნა არ მომზადდება. როგორც შსს-ში აცხადებენ, მობინადრეთა ევაკუაცია სწორედ ექსპერტების პროგნოზს უკავშირდება, რომ კორპუსს მდინარე ვერე საფრთხეს უქმნის.
ევაკუაციამ წყნეთის ქუჩის N13-ის მცხოვრებლების ნაწილის პროტესტი გამოიწვია. მათი თქმით, კორპუსს მდინარე ვერე საფრთხეს ვერ შეუქმნის. როგორც მცხოვრებლების ნაწილი ამტკიცებს, კორპუსი კლდეზეა დაშენებული, შესაბამისად, არანაირი საფრთხე არ ემუქრება.
რაც შეეხება მე-13 კორპუსის იმ მცხოვრებლებს, რომლებმაც შენობის დატოვების სურვილი გამოთქვეს, ვაკის გამგეობის თანამშრომლების მიერ მათი აღწერა მიმდინარეობს. გამგეობის ინფორმაციით, იმ მოქალაქეებს, რომელთაც დახმარება დასჭირდებათ ალტერნატიული ფართის უზრუნველყოფაში, გამგეობა ყველანაირ დახმარებას აღმოუჩენს.
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
