ქეთა თოფურია დედა გახდა!

"ქეთა თოფურია დედა გახდა!!! ბედნიერება და ულევი სიხარული!! მიყვარხართ!!!", - ეს სასიხარულო სტატუსი "ფეისბუქზე" პროდიუსერმა ნატო დუმბაძემ გაავრცელა.

შეგახსენებთ, რომ ორსულობის ბოლო პერიოდი ქეთამ ლოს ანჯელესში მეუღლესთან, ბიზნესმენ ლევ გეიხმანთან ერთად გაატარა. ქეთას ამერიკაში გამგზავრებას რუსული პრესა არაერთგვაროვნად შეხვდა, წერდნენ, რომ მომღერალი რუს ექიმებს არ ენდო და ამერიკაში გაემგზავრა სამშობიაროდ. რუსული პრესის ინფორმაციით, ქეთამ ქვეყნის ერთ-ერთ ყველაზე პრესტიჟულ კლინიკაში იმშობიარა. ამ კლინიკის პაციენტები თავის დროზე იყვნენ მადონა, ბრიტნი სპირსი, კიმ კარდიშიანი. კლინიკაში მშობიარობა დაახლოებით 30 ათასი დოლარი ღირს.