სუპერთასის ბილეთები ონლაინ რეჟიმში აღარ გაიყიდება

უეფა-ს სუპერთასის ბილეთები ონლაინ რეჟიმში დღეს აღარ გაიყიდება. ამის შესახებ ჟურნალისტებს, ფეხბურთის ფედერაციის პრეზიდენტთან შეხვედრის შემდეგ, Biletebi.ge-ს ტექნიკურმა დირექტორმა, გიორგი ჩხიკვიშვილმა განუცხადა.

მისი თქმით, ამ დროისთვის არ არის გადაწყვეტილი ბილეთების გაყიდვის ალტერნატიული გზა და ამასთან დაკავშირებით მუშაობა მიმდინარეობს. მისივე განმარტებით, ბილეთების ონლაინ რეჟიმიდან ამოღების გადაწყვეტილება ტექნიკურ პრობლემებს უკავშირდება.

"ინტერპრესნიუსი"