ძლიერი წვიმა, ელჭექით, ზოგან სეტყვაც - 27 ივნისის ჩათვლით საქართველოში წვიმიანი ამინდი იქნება
27 ივნისის ჩათვლით, საქართველოს მთელ ტერიტორიაზე წვიმიანი ამინდია მოსალოდნელი. როგორც "ინტერპრესნიუსს" გარემოს ეროვნული სააგენტოს მონიტორინგისა და პროგნოზირების ცენტრის ჰიდრომეტეოლოგიური სამსახურის უფროსმა, სვეტლანა ნიორაძემ განუცხადა, დღეს საღამოდან 27 ივნისის ჩათვლით ქვეყნის ზოგიერთ რაიონში მოსალოდნელია ძლიერი წვიმა, ელჭექით, ზოგან სეტყვაც. წვიმის დროს ქარი გაძლიერდება, რომლის სიჩქარე წამში 17-22 მეტრი იქნება.
სინოპტიკოსები ძლიერ წვიმას განსაკუთრებით დასავლეთ საქართველოს დაბლობში, ასევე მთიან და მაღალმთიან რაიონებში. თუმცა, ნიორაძე აცხადებს, რომ ძლიერი წვიმა შესაძლოა, აღმოსავლეთ საქართველოს ბარშიც იყოს.
დასავლეთ საქართველოს ბარში ჰაერის ტემპერატურა 23-28 გრადუსი იქნება. შემდგომ დღეებში შესაძლოა, რამდეიმე გრადუსით დაიკლოს. აღმოსავლეთ საქართველოს ბარში კი, ჰაერის ტემპერატურა 29-34 გრადუსი იქნება.
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
