სტიქიის შედეგად დაკარგულების ცხედრების საძიებო სამუშაოები მტკვარში ამ დრომდე მიმდინარეობს. თბილისიდან რუსთავამდე მონაკვეთზე სამი ცხედრის ძიებაში ჩართულია სამაშველო სამსახურის 8 წარმომადგენელი, - ამის შესახებ "ინტერპრესნიუსს" საგანგებო სიტუაციების მართვის სააგენტოში განუცხადეს.
მათი ცნობით, ცხედრების ძიება მიმდინარეობს ქვემო ქართლის ტერიტორიაზეც. სპეცტექნიკასთან ერთად, საძიებო ღონისძიებებს მყვინთავები ახორციელებენ.