ვაკის პარკში ბილეთების რიგში მყოფი მამაკაცი საავადმყოფოში გადაიყვანეს

ვაკის პარკში, უეფას სუპერთასის ბილეთების რიგში მყოფი ერთი მამაკაცის საავადმყოფოში გადაყვანა გახდა საჭირო. როგორც "ინტერპრესნიუსს" სასწრაფო დახმარების სამსახურში განუცხადეს , დღის განმავლობაში ადგილზე მობილიზებული იყო სასწრაფო დახმარების 5 ბრიგადა.

სასწრაფოს ექიმებს მოუწიათ რამდენიმე მოქალაქისთვის ადგილზე დახმარების გაწევა, მათ შორის ერთი ახალგაზრდის, 32 წლის მამაკაცის კლინიკაში გადაყვანა გახდა საჭირო, კრუნჩხვის დიაგნოზით.

სასწრაფო-სამედიცინო დახმარების ბრიგადები ადგილზე რჩებიან და საჭიროების შემთხვევაში, ბილეთების რიგში მდგომებს დახმარებას აღმოუჩენენ.

"ინტერპრესნიუსი"