"იმედია, ეს ბოლო "რეაქცია" იქნება" - თბილისის ვიცე-მერი გრიგოლიას გადაცემის დახურვას ნატრობს, ტელეწამყვანი კი ჩინოვნიკს დამამცირებელი სიტყვებით ამკობს
ინგა გრიგოლიას "რეაქციას" (ტელე-იმედი) გუშინდელ, 17 ივლისის გადაცემას დავით ნარმანიას მოადგილე, დედაქალაქის ვიცე-მერი ირაკლი ლექვინაძე ეხმაურება და იმედოვნებს, რომ ეს არა სეზონის ბოლო გადაცემა, არამედ გრიგოლიას ბოლო "რეაქცია" იქნება.
Facebook/ირაკლი ლექვინაძე: იმედია, ეს სეზონის კი არა, ბოლო "რეაქცია" იქნება :)
ლექვინაძის რეპლიკა ყურადღების გარეშე არ დაუტოვებია გადაცემის ავტორსა და წამყვანს და ის ვიცე-მერს "ფეისბუქზევე" პასუხობს.
Facebook/ინგა გრიგოლია: ეს ჩვენი დედაქალაქის ვიცე-მერის სტატუსია)))))))) თურმე ოცნებობს, რომ "რეაქცია" დაიხუროს... ასეთი ღიად ოცნებობდეს ჩინოვნიკი, რომ გადაცემა დაიხუროს, პირველად ვნახე... ხო, მართლა... ჩემი გადაცემის დახურვაზე ოცნებას საკუთარ მერიაში რაც ხდება, იქნებ ის აკონტროლოს ვიცემ.
...
ისე, რა საოცარი დამთხვევაა...ხვალინდელ "იმედის კვირაში" მერიის თემაზე ბელა ზაქაიძის რეპორტაჟი გვაქვს მომზადებული და ეტყობა ვიცეს გულმა უგრძნო
...
ამას აშკარად დაავიწყდა,რომ ჩინოვნიკია... ბოლო-ბოლო, ვინაა მერიის პრეს-ცენტრი, ხომ არ იცით??? მინდა დავურეკო და საქმის კურსში ჩავაყენო, რომ ამ მეოცნებე ჩინოვნიკს შეახსენონ თანამდებობის პირი როა
...
ეს რა კოკროჭინად მეოცნებე კაცი გვყოლია..., - წერს გრიგოლია.
შეგახსენებთ, რომ ინგა გრიგოლიას გადაცემა "რეაქციაში" შიდა ქართლში, კონფლიქტის ზონაში განვითარებულ მოვლენებზე მსჯელობდნენ.
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
