დემი მურის სახლის აუზში გარდაცვლილი მამაკაცი იპოვნეს

ცნობილი ამრიკელი მსახიობის, დემი მურის კუთვნილი სახლის ეზოს აუზში 21 წლის მამაკაცის გვამი აღმოაჩინეს. ამ ფაქტს ოფიციალურად ლოს ანჯელესის პოლიცია ადასტურებს.

განცხადებაში ნათქვამია, რომ აუზში ნაპოვნი გარდაცვლილი ახალგაზრდა მამაკაცი სავარაუდოდ, 18 ივლისს ამავე სახლში გამართული წვეულების ერთ-ერთი სტუმარი გახლდათ. მამაკაცის ცხედარი 19 ივლისს, დილით აღმოაჩინეს. პოლიციის თქმით, არც დემი მური, არც მისი შვილები ამ დროს სახლში არ იმყოფებოდნენ.