ბელორუსში საქართველოს მოქალაქე დააკავეს

ბელორუსმა სამართალდამცველებმა საერთაშორისო აეროპორტ "მინსკი 2"-ში საქართველოს მოქალაქე, 48 წლის მამაკაცი დააკავეს, რომელიც თაღლითობაშია ეჭვმიტანილი.

საქმის მასალებით ირკვევა, რომ ბაჩუკი ტიბუა ქალბატონების ნდობით სარგებლობდა და შემდეგ მათ ძარცვავდა. მის ანგარიშზე თაღლითური გზით მოპოვებული 12 ათასი აშშ დოლარია.

ბელორუსში მის წინააღმდეგ უკვე აღძრულია სისხლის სამართლის 4 საქმე. სამართალდამცველები არ გამორიცხავენ, რომ ტიბუას საქმეში კიდევ მეტი დაზარალებული იყოს.