ახალციხეში მდინარეში სამი ახალგაზრდა დაიხრჩო

ახალციხის მუნიციპალიტეტის სოფელ ჭაჭარაქში გუშინ სამი ახალგაზრდა მდინარეში დაიხრჩო. გარდაცვლილები არიან 18-20 წლის ასაკის ორი გოგონა და ერთი ბიჭი. როგორც "ინტერპრესნიუსს" შინაგან საქმეთა სამინისტროში განუცხადეს, მდინარე ფოცხოვისა და მტკვრის შესართავთან ორი გოგონა ბანაობდა, ისინი წყალმა გაიტაცა. მათი დახმარება ბიჭმა სცადა, თუმცა სამივე მათგანი მდინარემ გაიტაცა. ახალგაზრდები დაიღუპნენ.

ადგილზე მობილიზებული იყვნენ სამაშველო და საპატრულო პოლიციის წარმომადგენლები. მაშველებმა ცხედრების პოვნა შეძლეს. შსს-ს ინფორმაციით, გამოძიება სისხლის სამართლის კოდექსის 115-ე მუხლით მიმდინარეობს, რაც თვითმკვლელობამდე მიყვანას გულისხმობს.

"ინტერპრესნიუსი"