ევროპის სუპერთასის გამარჯვებული "ბარსელონა" გახდა. თბილისში, "დინამო არენაზე" გამართული დაძაბული მატჩის შემდეგ გამარჯვებულებს ოქროს მედლები და თასი გადასცეს. საზეიმო დაჯილდოებაზე უეფა-ს პრეზიდენტ მიშელ პლატინისთან და სხვა ოფიციალურ პირებთან ერთად, როგორც მასპინძელი ქალაქის მერი, იმყოფებოდა თბილისის მერი დავით ნარმანია. თუმცა, კადრებს, სადაც ის "ბარსელონას" ფეხბურთელებს გამარჯვებას ულოცავს, ქართველ ინტერნეტმომხმარებლებში სატირულ-იუმორისტული კომენტარები მოჰყვა.