თბილისში ძლიერი წვიმის შედეგად სახლების სარდაფები დაიტბორა

თბილისში ძლიერი წვიმის შედეგად, საცხოვრებელი სახლების სარდაფები დაიტბორა. როგორც "ინტერპრესნიუსს" საგანგებო სიტუაციების მართვის დეპარტამენტში განუცხადეს, მაშველების გამოძახება ძირითადად გლდანი-ნაძალადევისა და დიდუბე-ჩუღურეთის რაიონებიდან დაფიქსირდა. მათი ცნობით, ძირითადად დატბორილია იტალიური ეზოების სარდაფები, სადაც ამოტუმბვითი სამუშაოები ჩატარდა.

ამასთან, "ინტერპრესნიუსს" დაუკავშირდნენ ვაკე-საბურთალოს რაიონიდანაც, სადაც ადგილობრივების ცნობით, დატბორილია ქუჩები, თუმცა საგანგებო სიტუაციების მართვის დეპარტამენტში აცხადებენ, რომ აღნიშნული რაიონიდან გამოძახება არ ფიქსირდება.

"ინტერპრესნიუსი"