ქობულეთში მამაკაცი დაიხრჩო - ზღვის ღელვის გამო ბანაობა აიკრძალა

ქობულეთში ზღვაში შუა ხნის მამაკაცი დაიხრჩო. როგორც "ინტერპრესნიუსს" შს აჭარის საგანგებო და გადაუდებელი სიტუაციების მართვის ცენტრის უფროსმა ზვიად ჯაფარიძემ განუცხადა, შემთხვევა დილით მოხდა. მისივე თქმით, ნაპირზე წითელი ალმები იყო აღმართული, რაც ნიშნავს, რომ ღელვის გამო ბანაობა აკრძალულია.

"07:45 საათზე შემოვიდა შეტყობინება ზღვაში მამაკაცის გაუჩინარების თაობაზე. სამაშველო სამსახური დროულად გავიდა ადგილზე. მაშველებმა მოახერხეს მამაკაცის ზღვიდან გამოყვანა, თუმცა ის გარდაცვლილი იყო", - აღნიშნა ზვიად ჯაფარიძემ.

მისივე განმარტებით, ზღვაზე 4 ბალამდე შტორმი ფიქსირდება და სამაშველო სამსახური დამსვენებლებს მიმართავს, სამაშველო კოშკურებზე წითელი ალმების შემთხვევაში , ზღვაში შესვლისგან თავი შეიკავონ.

"ინტერპრესნიუსი"