"იუთუბი" წლის ბოლოს ფასიანი გახდება

მსოფლიოში პოპულარული ვიდეოსაიტი "იუთუბი" გეგმავს, რომ ფასიანი გამოწერის ტაქტიკა წლის ბოლოსთვის დანერგოს.

თვეში კონკრეტული თანხის გადახდის შემთხვევაში, "იუთუბის" მომხმარებლებს შეეძლებათ მთლიანად გათიშონ რეკლამები, რომელთა გათიშვაც ახლა მხოლოდ რამდენიმე წამიანი ვიდეო ნახვის შემდეგაა შესაძლებელი. ამას გარდა, ფასიან ხელმომწერებს საშუალება ექნებათ, შეინახონ ვიდეოები და ინტერნეტის არქონის შემთხვევაშიც კი უყურონ მათ.

რა ეღირება ფასიანი ხელმოწერა, ჯერჯერობით, არ არის ცნობილი. ზემოთ ჩამოთვლილი პრივილეგიების გარდა, მომხმარებლებს წვდომა ექნებათ დამატებით კონტენტზე. დღეისათვის "იუთუბის" "აუდიტორია" მილიარდ ადამიანს აჭარბებს.