იოსებიძის ქუჩაზე გველი დაიჭირეს - "წითელმუცელა მცურავი აგრესიულობით ხასიათდება"
თბილისის მერიის ცხოველთა მონიტორინგის სააგენტოს ბრიგადამ იოსებიძის ქუჩაზე, "პალიტრა მედიის" ოფისის წინ გველი, წითელმუცელა მცურავი დაიჭირა.
"ინტერპრესნიუსს" გველის შესახებ ინფორმაცია იოსებიძის ქუჩის მცხოვრებმა მიაწოდა, რომელმაც დაინახა, როგორ გასრიალდა გველი ქუჩაზე და ავტომობილის ქვეშ შეძვრა. "ინტერპრესნიუსმა" აღნიშნულის თაობაზე 112-ს შეატყობინა. შემთხვევის ადგილზე მოსულმა ბრიგადამ გველის დაჭერა უსაფრთხოდ შეძლო.
როგორც "ინტერპრესნიუსს" ბრიგადის წევრმა არნო ბაგრამოვმა განუცხადა, დღეს უკვე მეორე გამოძახებაა და ზოგადად, აგვისტო-სექტემბერში გამოძახებები მატულობს. მისივე თქმით, წითელმუცელა მცურავი გამოჩეკიდანვე აგრესიულობით ხასიათდება და მოსახლეობას სიფრთხილე მართებს. თუმცა, ბაგრამოვის განმარტებით, გველის ეს სახეობა შხამიანი არ არის. დაჭერის შემდეგ გველს ქალაქიდან მოშორებით, დაცულ ტერიტორიაზე გადაიყვანენ და ბუნებრივ არეალში გაუშვებენ.
ცხოველთა მონიტორინგის სააგენტოს თანამშრომლები მოსახლეობას სიფრთხილისკენ და ქვეწარმავლის ნახვის შემთხვევაში შესაბამისი სამსახურების გაფრთხილებისკენ მოუწოდებენ.
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
