პეკინზე მოსახლეობა საბავშვო ბაღის დემონტაჟის დაწყებას აპროტესტებს - "შენდება მრავალსართულიანი საცხოვრებელი სახლი"
თბილისში, პეკინის ქუჩაზე საბავშვო ბაღის "საპოვნელას" დემონტაჟი მიმდინარეობს. ბაღის დემონტაჟს ადგილობრივი მოსახლეობა აპროტესტებს. როგორც საბავშვო ბაღთან შეკრებილი მოსახლეობა აცხადებს, შენობის დემონტაჟს კომპანია "ელ ზურო" ახორციელებს.
მათივე თქმით, საბავშვო ბაღის ადგილზე მრავალსართულიანი საცხოვრებელი კორპუსის აშენება იგეგმება, რაც დაუშვებელია, რადგანაც საბავშვო ბაღის დემონტაჟი კანონდარღვევით ხორციელდება.
"ანგრევენ საბავშვო ბაღს, რომელიც არ არის ავარიული. იგეგმება საბავშვო ბაღის ტერიტორიაზე არსებული ხეების მოჭრა, სანაცვლოდ კი კომპანია "ელ ზურო", რომელმაც გაურკვეველია, ეკონომიკის სამინისტროდან როგორც მოიპოვა საკუთრების ლიცენზია, აშენებს მრავალსართულიან საცხოვრებელ კორპუსს.
გარდა მისა, რომ ადგილობრივ მოსახლეობას არ გვექნება საბავშვო ბაღი, მრავალსართულიანი კორპუსის მშენებლობა საფრთხეს შეუქმნის ჩვენ საცხოვრებელ კორპუსებს, რომელიც ავარიულ მდგომარეობაშია", - განაცხადა აციის ერთ-ერთმა მონაწილემ, ნინო ჭოტაშვილმა.
ადგილობრივი მოსახლეობა უყურადღებობაში მაჟორიტარ დეპუტატ დავით ზურაბიშვილსაც ადანაშაულებენ და ამბობენ, რომ პრობლემის მოსაგვარებლად მათთან კონტაქტი ზურაბიშვილს არ აქვს.
საბავშვო ბაღი მიმდინარე წლის 1 ივლისიდან აღარ მუშაობს.
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
