ვარკეთილში ცოლი ქმარს სცემს - "ქმარი ქართველია, ცოლი კი რუსი, როცა პოლიცია მოდის, მამაკაცს სხეულზე დაზიანებები აქვს"

ხმაურიანი მეზობლების პრობლემა თითქმის ყველა ჩვენგანს აწუხებს. სხვა ოჯახის კონფლიქტის გამო, ზოგჯერ მთელი ღამის გათენება გვიწევს. ბლოგერი გოჩა გაბოძეც იმ ადამიანების რიცხვს ეკუთვნის,  ვისთვისაც ღამით კარგად დაძინება ბოლო ერთი თვის მანძილზე შეუძლებელი გახდა. ამის მიზეზი ის ახალი მეზოლები არიან, რომლებიც ნაქირავებ ბინაში საცხოვრებლად გადავიდნენ.

ჭირვეული მეზობლების შესახებ ბლოგერმა რამდენიმე დღის წინ, სოციალურ ქსელში დაპოსტა. უფრო დაწვრილებით მისი პრობლემის შესახებ AMBEBI.GE-ს მკითხველს ხოვლელის ქუჩის მეორე შესახვევში მცხოვრები გოჩა გაბოძე თავად უამბობს.

- ერთი თვეა ჩემს მეზობლად საცხოვრებლად ცოლ-ქმარი გადმოვიდა. ქმარი ქართველია, ცოლი კი რუსი. ისინი ხშირად ჩხუბობენ და ადგილზე რამდენჯერმე გამოძახებული იქნა პატრული. ძალიან შევწუხდი და ამიტომ დავპოსტე ჩემს ფეისბუქზე ეს ამბავი.

- რატომ ჩხუბობენ?

- ცოლი სვამს, ქმარი კი სულ ფხიზელია. ამ ქალბატონს ზოგჯერ უპატრონო ძაღლები მოჰყავს სახლში და შემდეგ იწყებენ ჩხუბს. პატრულს ქალი იძახებს, როცა ადგილზე საპატრულო პოლიცია მოდის მამაკაცს აქვს სხეულზე დაზიანებები. ეს ყველაფერი პატრულის რაციებიდან მესმის. ამ ერთი თვის მანძილზე სამჯერ გამოიძახეს პატრული. მეზობლები არ ვიცნობთ, რადგან ახლახანს გადმოვიდნენ საცხოვრებლად.

უფრო კონკრეტული მიზეზის გასარკვევად, თუ რა მიზნით ხდება აღნიშნულ მისამართზე საპატრულო პოლიციის გამოძახება, შს სამინისტროს დავუკავშირდით, თუმცა უწყებაში ხმაურიან ოჯახთან დაკავშირებით კომენტარი არ გააკეთეს.

თამარ ბოჭორიშვილი

AMBEBI.GE