ქობულეთში, აღმაშენებლის ქუჩაზე ერთ-ერთი მარკეტის მფლობელი დაჭრეს. როგორც "ინტერპრესნიუსს" თვითმხილველებმა განუცხადეს, ამ შემთხვევის შემდეგ მოხდა მეორე ინციდენტიც და მარკეტის მეპატრონის შვილმა სავარაუდოდ, დანით ის პირი დაჭრა, ვინც მამამისს ჭრილობები მიაყენა. ორივე დაჭრილი ქობულეთის რაიონულ საავადმყოფოშია მოთავსებული.
შინაგან საქმეთა სამინისტროს ინფორმაციით, ფაქტთან დაკავშირებით გამოძიება 117-ე მუხლის 1-ლი ნაწილით მიმდინარეობს, რაც ჯანმრთელობის განზრახ მძიმე დაზიანებას გულისხმობს.