7 ყველაზე დიდი საფრთხე, რაც ბავშვს ემუქრება და მშობლის "ბრალია"
ყველა მშობელი მზრუნველია და თავს ევლება პატარას, მითუმეტეს წლამდე ასაკში. თუმცა ყველაზე ფრთხილი და ყურადღებიანი დედაც ვერ გაითვალისწინებს ყველაფერს. ბევრი რამ ჩვენზე არ არის დამოკიდებული, მაგრამ ძალიან ბევრიც სწორედ მშობლის დაუდევრობის შედეგია. ამიტომ წარმოგიდგენთ 7 საფრთხეს, რომლებიც მშობლებს ყველაზე ხშირად რჩებათ ყურადღების მიღმა და სწორედ მათ ბრალდებათ.
ღია ფანჯარა და ფანჯრები საკეტის გარეშე
ამის გამო საქართველოში არერთი უბედურება დატრიალდა. თანამედროვე ფანჯრები დიდი საფრთხეა პატარასთვის. უფრო დიდი ზომისაა და შედარებით ახლოსაა იატაკთან. მწერების ბადე კი თითქოს უსაფრთხოების ილუზიას ქმნის. ასეც რომ არ იყოს, ღია ფანჯარა უკვე დიდი საფრთხეა. ყოველთვის ვერ გააკონტროლებთ ბავშვის მოძრაობას. ამიტომ ოთახი, სადაც ფანჯარა გააღეთ, ჩაკეტილი უნდა იყოს. თუ ბავშვიც იმ ოთახშია, ოჯახის ერთმა წევრმა ყველა საქმე უნდა გადადოს და ბავშვს უდარაჯოს.
ცხოველები
არც ცხოველთან მარტო დატოვება ღირს. მათგან გამოწვეული ზიანიც საკმაოდ გავრცელებულია. ცხოველს ბავშვი შეიძლება სკვერში ან ეზოშიც გადაეყაროს. შიში და კბენა რომ არ ჩავთვალოთ, წუთში შეიძლება კბილი ან ბრჭყალი გაკრას და ანტირაბული ვაქცინაც "გამოწერილი" გაქვთ. ეს აცრები არასდროს არის სასურველი. არც ეს ნივთიერებაა სასიკეთო და პროცესიც საკმაოდ საწვალებელია.
გაზქურა
ანთებული გაზქურა, რომელზეც ჩაიდანი ან ქვაბი თუხთუხებს, ბევრ ოჯახში გამხდარა საბედისწერო შემთხვევის მიზეზი. შეიძლება გაზქურიდან გადმოდგმული მდუღარეც უადგილო ადგილას აღმოჩნდეს. ასევე მაგიდაზე დადგმული ცხელი ჩაი ან ყავა... სამზარეულოში ასი თვალი და ყური გმართებთ. განსაკუთრებით მაშინ, თუ იქ ცხელი სითხე გეგულებათ.
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
