პრემიერ-მინისტრი მთავრობის ეკონომიკურ გუნდს ხვდება

საქართველოს პრემიერ-მინისტრი ირაკლი ღარიბაშვილი მთავრობის ეკონომიკურ გუნდსა და ეროვნული ბანკის პრეზიდენტ გიორგი ქადაგიძესთან სამუშაო შეხვედრას მართავს.

შეხვედრა მთავრობის ადმინისტრაციაში ცოტა ხნის წინ დაიწყო. შეხვედრის დაწყებამდე კომენტარები არ გაკეთებულა.

მთავრობის ადმინისტრაციაში პრემიერ-მინისტრთან გამართულ სამუშაო შეხვედრას მთავრობის ეკონომიკური გუნდის წარმომადგენლები, ეკონომიკური საბჭოს მდივანი გიორგი გახარია და ეროვნული ბანკის პრეზიდენტი გიორგი ქადაგიძე ესწრებიან.

არსებული ინფორმაციით, შეხვედრის მთავარი თემა ლარის კურსთან დაკავშირებული საკითხია.