რუსთავის გზატკეცილზე ავტომანქანა სასწრაფო დახმარების ავტომობილს შეეჯახა

რუსთავის გზატკეცილზე "გაზ 24 მარკის" ავტომანქანა სასწრაფო დახმარების ავტომობილს შეეჯახა. როგორც "ინტერპრესნიუსს" სასწრაფო სამედიცინო დახმარების სამასახურში განუცხადეს, ავტოსაგზაო შემთხვევა გამთენიისას მოხდა.

მათივე ინფორმაციით, რუსთავის გზატკეცილზე გამოძახებიდან დაბრუნებულ სასწრაფო დახმარების მანქანას საპირისპირო მიმართულებით მოძრავი "ვოლგა" დაეჯახა. სავარაუდოდ "ვოლგის" მძღოლს საჭესთან ჩაეძინა, სავალი ნაწილის საპირისპირო მხარეს გადავიდა და სამედიცინო ეკიპაჟს დაეჯახა.

შემთხვევის შედეგად მსუბუქად დაშავდა "ვოლგის" მძღოლი. სამედიცინო პერსონალი კლინიკაში გადაიყვანეს. მათ პროფილაქტიკური გამოკვლევების ჩატარების შემდეგ კლინიკა დატოვეს.

"ინტერპრესნიუსი"