იურიდიულ საკითხთა კომიტეტმა მარიხუანას მოხმარებაზე სასჯელის გაუქმებას დაუჭირა მხარი

პარლამენტის იურიდიულ საკითხთა კომიტეტი მარიხუანას მოხმარების სრულ დეკრიმინალიზებას მხარს არ უჭერს, თუმცა იზიარებს, რომ ასეთი ქმედებისთვის სანქციის ზომად პატიმრობის გამოყენება არ მოხდეს.

ამ პრინციპით დაუჭირა კომიტეტმა მხარი დეპუტატ გოგა ხაჩიძის საკანონმდებლო პროექტს, რომელიც დღეს აღნიშნულ კომიტეტში პირველი მოსმენით განიხილეს. კერძოდ, საბოლოოდ კენჭისტრაზე დადგა ვარიანტი, რომ მარიხუანას მოხმარებაზე სისხლის სამართლის კანონმდებლობით გათვალისწინებული ჯარიმა და საზოგადოებისთვის სასარგებლო შრომა დარჩეს, მაგრამ კოდექსიდან პატიმრობის ნაწილის ამოღება მოხდეს.

ანალოგიური პრინციპით დაუჭირა მხარი ხაჩიძის ინიციატივას ადამიანის უფლებათა დაცვის კომიტეტმაც.

"ინტერპრესნიუსი"