კახა მამულაშვილის გათავისუფლების შემდეგ, ნარკოდანაშაულში ბრალდებულმა პატიმრებმა შიმშილობა დაიწყეს
ნარკოდანაშაულში ბრალდებული კახა მამულაშვილის პატიმრობიდან გათავისუფლების შემდეგ, გლდანის ციხეში პატიმრებმა შიმშილობა დაიწყეს და შემამსუბუქებელ გარემოებებს ითხოვენ, - ამის შესახებ "ინტერპრესნიუსს" პატიმრების ახლობლებმა აცნობა. მათივე ინფორმაციით, ამ დროისთვის გლდანის #8 სასჯელაღსრულების დაწესებულებაში შიმშილობს ხუთი პატიმარი, რომლებიც ნარკოდანაშაულში არიან ბრალდებული.
"ისინი მოითხოვენ, თუკი კახა მამულაშვილს შეეხო შემამსუბუქებელი გარემოება, მათ მიმართაც გამოიყენოს პროკურატურამ იგივე ღონისძიება", - განაცხადა "ინტერპრესნიუსთან" საუბრისას ერთ-ერთი მოშიმშილე პატიმრის ახლობლემა.
მისი ინფორმაციით, შიმშილობის აქცია ნარკოდანაშაულისთვის ბრალდებულებმა დაახლოებით 20 დღეა, დაიწყეს.
"ინტერპრესნიუსი" ინფორმაციის გადამოწმებას სასჯელაღსრულების სამინისტროში ცდილობს. ნარკოდანაშაულში ბრალდებულ კახა მამულაშვილს აღკვეთის ღონისძიება – პატიმრობა, 15 000 ლარიანი გირაოთი შეუცვალეს და სასამართლო დარბაზიდან გაათავისუფლეს.
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
