ცრურწმენის გამო, აფრიკაში ალბინოს გოგონას ფეხი მოაჭრეს

ბიბიანა მაშამბას უყვარს ცეკვა, სირბილი და ხტუნვა - ყველაფერი ის, რაც თინეიჯერებისთვისაა დამახასიათებელი. მაგრამ სამწუხაროდ იგი ამ ყველაფერს წარსულში გადატანილი ტრაგედიის გამო ვერ ახერხებს.

"11 წლის ვიყავი, როცა ჩემს ოთახში ღამით ქურდები შემოვიდნენ", - იხსენებს მაშამბა 6 წლის წინ ტანზანიაში, საკუთარ სახლში მომხდარ ამბავს.

ქურდებს უფრო ძვირფასი რამ უნდოდათ, ვიდრე სამკაული ან ელექტრონული მოწყობილობები. მათ ალბინოსი თინეიჯერის ძვლები სურდათ.  ალბინოსების სხეულის ნაწილებზე აფრიკის ზოგიერთ ქვეყანაში დიდი მოთხოვნილებაა, ზოგიერთებს სჯერათ, რომ მათ სიმდიდრე და ბედნიერება მოაქვთ. თავდამსხმელები მსხვერპლს კიდურებს აჭრიან, ორგანოებს აცლიან და შემდეგ ყიდიან.

მაშამბას შემთხვევაში ქურდებმა ის მიიღეს, რაც გეგმაში ჰქონდათ. მათ გოგონა ჯერ ნარკოტიკებით გააბრუეს, შემდეგ მარჯვენა ფეხი და ორი თითი მოაჭრეს. მარცხენა ფეხიც უნდა მოეკვეთათ, მაგრამ საბედნიეროდ, ვეღარ მოასწრეს.

იხილეთ ვიდეო