"მინდა დღევანდელი საუბრის შინაარსი საჯაროდ განვაცხადო" - გვარამია ფარული მოლაპარაკების დეტალებზე

"რუსთავი 2"-ის გენერალური დირექტორის, ნიკა გვარამიას განცხადებით, სამწუხაროდ, ვითარება ისე მიდის, რომ ამ ქვეყანაში თავისუფალი მედიის ადგილი აღარ რჩება. ამის შესახებ ნიკა გვარამიამ საგანგებო ბრიფინგზე განაცხადა.

მისი თქმით, დღეს შედგა საუბარი მასსა და ადამიანს შორის, რომელიც, როგორც წესი აწვდის სამთავრობო მესიჯებს.

"მე მინდა დღევანდელი საუბრის შინაარსი აქ საჯაროდ განვაცხადო. ამ საუბრიდან ჩემთვის ცნობილი გახდა, რომ ხვალ სასამართლოზე გამოვა გადაწყვეტილება, რომელიც კომპანიას მიაკუვთნებს ქიბარ ხალვაშს. ამ გადაწყვეტილებას ან ხვალვე და შემდეგ დღებში მოჰყვება დაუყოვნებლივი აღსრულების გადაწყვეტილება და მოთხოვნა იყო ჩემს მიმართ, რომ მე გავწეულიყავი", - განაცხადა გვარამიამ.