"რუსთავი2"-ში პროკურატურის წარმომადგენლები მივიდნენ

ამ წუთებში სამაუწყებლო კომპანია რუსთავი 2-ში საქართველოს პროკურატურის წარმომადგენლები იმყოფებიან. გამომძიებლები არხის გენერალურ დირექტორს შეხვდნენ და ხვალ 12:00 საათზე პროკურატურაში დაბარების შესახებ აცნობეს.

გამომძიებლებმა ნიკა გვარამიას უწყებაც ჩააბარეს, მათივე თქმით მთავარი პროკურატურის საგამოძიებო ნაწილმა დაიწყო სამაუწყებლო კომპანია რუსთავი 2-ის გენერალური დირექტორის მიერ მისი დაშანტაჟების მცდელობასთან დაკავშირებით გაკეთებულ განცხადებაზე გამოძიება.