სასამართლომ 17 მაისის საქმეზე ბრალდებულები გაამართლა

17 მაისის საქმეზე ბრალდებული მამა იოთამი, იგივე ირაკლი ბასილაია და მასთან ერთად ბრალდებულები სასამართლომ გაამართლა. როგორც "ინტერპრესნიუსის" კორესპონდენტი იუწყება, განაჩენი მოსამართლე დავით მგელიაშვილმა დღეს გამოაცხადა.

17 მაისის აქციაზე მანისფესტიის ხელის შეშლის ბრალდებით თავდაპირველად ხუთი პირი მისცეს პასუხისგებაში, შემდეგ ერთ-ერთ სასულიერო პირზე, მამა ანთიმოზზე სამართალწარმაოება შეწყდა. სასამართლო ოთხი პირის ბრალდების საქმეს განიხილავდა. მოსამართლე დავით მგელიაშვილმა ოთხივე ბრალდებული სრულად გაამართლა, მუხლი კი, რომლითაც 17 მაისის საქმეზე ბრალდებულებს ედავებოდნენ, ჯარიმას ან ერთ წლამდე ვადის პატიმრობას ითვალისწინებს.

"ინტერპრესნიუსი"

იხილეთ ვიდეო: "ხალხის ნება აღსრულდა" - როგორ გაარღვიეს პოლიციის კორდონი

აგრესიული "მშვიდობიანი" მსვლელობა და რამდენიმე დაშავებული