პროკურატურაში ლადო ბედუკაძის დაკითხვა მიმდინარეობს

თბილისის პროკურატურაში ლადო ბედუკაძის დაკითხვა მიმდინარეობს. მთავრი პროკურატურის ინფორმაციით, ჟურნალისტმა ნინო ჯღარკავამ თბილისის პროკურატურას მიმართა განცხადებით, რომელშიც მიუთითა, რომ ტელეკომპანია "რუსთავის 2"-ით ვრცელდებოდა თითქოსდა მასსა და ვლადიმერ ბედუკაძეს შორის სოციალური ქსელით განხორციელებული მიმოწერა ე.წ. ციხის კადრებთან დაკავშირებით. მისი თქმით, ეს მიმოწერა იყო გაყალბებული.

"აღნიშნულ ფაქტთან დაკავშირებით თბილისის პროკურატურაში მიმდინარეობს განცხადებაში მითითებული გარემოებების შესწავლა იმის დასადგენად არსებობს თუ არა დანაშაულის ნიშნები. ამ მიზნით გამოსაკითხად დაბარებულია ვლადიმერ ბედუკაძე", - აცხადებენ პროკურატურაში.

"ინტერპრესნიუსი"