"საქართველოს პატრიოტთა ალიანსის" ლიდერი ირმა ინაშვილი 8 ნოემბრიდან საპროტესტო აქციების გამართვას გეგმავს. როგორც ალიანსის ლიდერმა პრესკონფერენციაზე განაცხადა, ის პარლამენტის შუალედურ არჩევნებს არ აღიარებს და პერმანენტულ საპროტესტო აქციებს გეგმავს. მისივე ინფორმაციით, საკუთარ გამარჯვებაში დარწმუნებულია და შედეგების გასაჩივრებას აპირებს.
"მე და ჩემი თანამოაზრეები ისევ ვუბრუნდებით რუსთაველის ძეგლს და ისევ ვამაგრებთ საპროტესტო კერას რუსთაველის ძეგლთან. ჩვენ ვიწყებთ პერმანენტულ აქციებს, ასევე, ვგეგმავთ დიდ აქციას, რომელიც პერმანენტული აქციების დასაწყისი იქნება, ეს იქნება 8 ნოემბერს", - განაცხადა ინაშვილმა.