აჭარის მასშტაბით ოქტომბრის თვეში ტურისტების ზრდა დაფიქსირდა
აჭარის მასშტაბით რეგისტრირებული ტურისტთა განთავსების ობიექტებში ოქტომბრის თვეში გასული წლის ანალოგიურ პერიოდთან შედარებით ტურისტების 1,98 %-იანი ზრდა დაფიქსირდა, - ამის შესახებ "ინტერპრესნიუსს" აჭარის ავტონომიური რესპუბლიკის ტურიზმისა და კურორტების დეპარტამენტიდან აცნობეს.
რაც შეეხება 2015 წლის იანვარ-ოქტომბრის პერიოდს (10 თვე), დეპარტამენტის ცნობით, გასულ წელთან შედარებით ტურისტების 2,78 %-იანი ზრდა შეინიშნება.
"საზღვრის მონაცემების მიხედვით ზრდის დადებითი ტენდენცია განსაკუთრებით დიდია ბათუმის საერთაშორისო აეროპორტში შემოსულ საერთაშორისო ვიზიტორებში. 2015 წლის ოქტომბერში ბათუმის საერთაშორისო აეროპორტში შემოვიდა 5509 უცხოელი ვიზიტორი, რაც 46%-ით მეტია გასული წლის ანალოგიურ პერიოდთან შედარებით. ქვეყნების მიხედვით პირველი ხუთეული უცველელია, ესენია: ისრაელი, უკრაინა, თურქეთი, რუსეთი და ბელარუსია. ამათგან განსაკუთრებით გამოიკვეთება ისრაელი სამჯერადი ზრდით, რაც დამატებითი ჩარტერული ფრენების შედეგია", - აცხადებენ დეპარტამენტში.
ბათუმის აეროპორტში საერთაშორისო ფრენებით შემოსულ უცხოელ მგზავრთა რაოდენობა, იანვარ-ოქტომბრის პერიოდის მონაცემებით, გასულ წელთან შედარებით 14%-ითაა გაზრდილი, სულ 70176 ვიზიტორი.
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
